د کابل ـ غزني لویې لارې د دوهم لین د جوړولو چارې پيل شوې

dpmea_admin
Tue, Sep 10 2024 8:43 PM
787

د ریاست الوزراء اقتصادي مرستیال محترم ملا عبدالغني برادر اخوند له لوري د روان ۱۴۰۳ لمریز کال د سنبلې میاشتې په ۲۰ مه نېټه له کابل څخه د میدان وردګو ولایت د سیدآباد ولسوالۍ تر دشت ټوپ سیمې پورې د دوهم سړک د لومړي او دوهم فاز کار پیل شو.

 په هغه مراسمو کې چې له همدې امله جوړ شوي وو، د ریاست الوزراء اقتصادي مرستیال محترم ملا عبدالغني برادر اخوند او یو شمېر نورو امارتي مسوولینو ګډون کړی وو. د ریاست الوزراء اقتصادي مرستیال د سړک د کار د پرانیستلو په مراسمو کې وویل چې په ترانسپورټي او مواصلاتي زېربناوو کې پانګونه د اسلامي امارت په اساسي او مهمو اقداماتو کې شمېرل کیږي او د خپلې دغې ژمنې د عملي کولو په لړ کې نن د دې مهمې پروژې کار پیلوي.

محترم ملا عبدالغني برادر اخوند زیاته کړه؛ د غزني او کابل ترمنځ د دوهم لين سړک جوړول د مرکز او سوېل ترمنځ د نښلېدو بنسټيز پل دی چې په پايله کې به يې سوداگریز فعالیتونه آسانه، د توکو د لېږد وخت او لګښتونه به کم او د دې لارې مسافرو ته به آسانتیاوې برابرې شي.

د محترم ملا صاحب په وینا، د لارې په اوږدو کې به لسگونه نوي کاري فرصتونه رامنځته او په ټوله کې به یاده لار د کابل او غزني ترمنځ سوداگریز تړاو غښتلی کړي.

د ریاست الوزراء اقتصادي مرستیال زیاته کړه، د کابل ـ کندهار لویه لاره به د مرکز او سوېل پر نښلولو سربېره له ایران، پاکستان او نورو هیوادونو سره زموږ سوداگریز مسیر لا غښتلی کړي.

محترم ملا صاحب له هېوادوالو وغوښتل چې د دغه ملي پروژې په بشپړولو کې همکاري وکړي تر څو یې چارې په ټاکل شوي وخت بشپړې شي. همداراز د دې پروژې له قراردادي شرکت څخه یې وغوښتل چې د سړک کیفیت ته پام وکړي.

د یادولو وړ ده چې له کابل څخه تر غزني پورې د دوهم لین سړک ۱۱۱ کیلومټره اوږدوالی لري چې په اوږدو کې یې ۹ لوی پلونه او ۵۹۴ پلچکونه شته چې چارې به یې په ټاکل شوې موده کې پای ته ورسیږي.

Latest news

Wed, Oct 28 2026 2:05 PM
Background image

Ministry of Industry and Commerce's Priorities Shared with Donors and International Organizations

The seventh meeting on sharing the priorities of Afghanistan’s sectoral institutions with representatives of donors, international organizations, the United Nations, and development. . .

Sun, Oct 25 2026 4:10 PM
Background image

Procurement Commission Approves 17 Projects Worth Around AFN 5 Billion

A regular meeting of the Procurement Commission, chaired by the Deputy PM for Economic Affairs, Mullah Abdul Ghani Baradar Akhund, was held today, Sunday, October 25, 2026, at the. . .

Wed, Oct 21 2026 10:37 AM
Background image

Inter-ministerial Investment Committee Meeting Held

The regular meeting of the Inter-ministerial Investment Committee was held on October 20, 2026, at the Marmarin Palace.
During the meeting, the private sector presented an investment. . .

BACK TO NEWS