د اميرالمؤمنین شهید ملا اختر محمد منصور شپږم تلین ته د ملا عبدالغني برادر اخوند وینا
نېټه: د 2022 کال د مې 22
د ریاستالوزراء اقتصادي مرستیال ملا عبدالغني برادر اخوند د امیرالمؤمنین شهید ملا اختر محمد منصور د شهادت شپږم تلین ته: «له شهید منصور سره زما اړیکه او ملګري له ډېره پخوا وه، دا اړیکه مو د جهاد پر مهال لا قوي شوه. د امیرالمؤمنین شهید منصور په وخت کې د افغانستان اسلامي امارت جهاد تر ټولو لوړې مرحلې ته ورسېد او مجاهدین سره لا یو موټی او صف قوي شو. د افغانستان اسلامي امارت اوسنی نظام د شهید منصور، استاد یاسر او دې ته ورته قربانیو ثمره ده، موږ به یې په ټول توان د وینو قدرداني کوو. د امارت مشران په هېڅ وجه د ملا محمد عمر مجاهد، شهید منصور او نورو شهیدانو وینې نه هېروي او نه به خپل مجاهدین هېر کړي، د دغه نظام لپاره ډېر پاکې وینې تویې شوې دي. موږ ته دې خدای د خپلو یتیمانو او شهیدانو د وینو پاللو او د وطن د خدمت توفیق راکړي او موږ به تل په دې اړه هڅه کوو. د اسلامي امارت ټول مشران دې پر خپلو کشرانو مجاهدینو شفقت وکړي او کشران مجاهدین دې د خپلو مشرانو اطاعت وکړي.»
