د ریاستالوزراء اقتصادي مرستیال محترم الحاج ملا عبدالغني برادر اخوند کنړ ولایت ته سفر وکړ
د ریاستالوزراء اقتصادي مرستیال محترم الحاج ملا عبدالغني برادر اخوند کنړ ولایت ته سفر وکړ. په دې سفر کې له محترم ملا صاحب سره د اطلاعاتو او فرهنګ وزارت سرپرست خیرالله خیر خواه، د کورنیو چارو وزارت مرستیال محترم صدر ابراهیم، د کورنیو چارو وزارت له نشه یی توکو سره د مبارزې معین ملا عبدالحق همکار او یو شمېر نور مسؤلین ملګري وو.
محترم ملا صاحب د ګډ پلاوي او ننګرهار ولایتي مسؤلینو په ملتیا د کنړ سیند، د ناکامورا له لوري جوړ شوي کانالونه او یو شمېر نورو پروژو څخه لیدنه وکړه او مسؤلينو ته يې د چارو د لاښه والي په موخه لازمې سپارښتنې وکړې.
محترم ملا صاحب له کنړ سیند څخه د لیدنې تر څنګ د ناکامورا په هڅو جوړ شوي کانالونه حیاتي وبلل او د رامنځته شويو نوښتونو له امله یې د مسؤلينو د هڅو قدرداني وکړه.
