ملا عبدالغني برادر اخوند د متحده عربي اماراتو د زندان څخه له آزاد شوو افغانانو سره وکتل
نېټه: 2022، اګسټ 6مه
د ریاستالوزراء اقتصادي مرستیال الحاج ملا عبدالغني برادر اخوند له هغو آزاد شویو افغانان سره وکتل چې په متحده عربي اماراتو کې بندیان وو او نن خپل هېواد ته راستانه شول.
د ریاستالوزراء اقتصادي مرستیال د یادو افغانانو پر آزادېدو خوشالي څرګنده کړه او هغوی ته یې ډاډ ورکړ، چې دلته به ورته د کار زمینه برابره کړي. دغه افغانان چې له ډېر وخت راهیسې په متحده عربي اماراتو کې بندیان وو، له ملا عبدالغني برادر اخوند مننه وکړه چې له پرلهپسې هڅو وروسته یې دوی راخوشي کړل او نن بېرته خپلو کورنیو ته ستنېږي.
د افغانستان اسلامي امارت د ریاستالوزراء اقتصادي معاونیت د متحده عربي اماراتو د دولت رئیس الشيخ محمد بن زايد آل نهيان دغه اقدام له افغانان سره حسن نیت ګڼي او ترې مننه کوي.
