د ریاست‌الوزراء اقتصادي مرستیال د ازبیکستان د ملي امنیت شورا له سلاکار سره وکتل

fdpm_admin
دوشنبه ۱۴۰۱/۳/۳۰ - ۹:۳۸
62

نېټه: 2022، جون 19مه

د ریاست‌الوزراء اقتصادي مرستیال ملا عبدالغني برادر اخوند د ازبیکستان د ملي امنیت شورا له سلاکار او په بهرني سیاست کې د ولسمشر له ځانګړي استازي عبدالعزیز کاملوف او مل پلاوي سره په چهارچنار ماڼۍ کې وکتل.

په دغه ناسته کې د افغانستان-ازبیکستان تر منځ پر دوه اړخیزو اړیکو، له نړیوالو سره د افغانستان د اړیکو پر پياوړتیا، د لویو اقتصادي پروژو پر ژر پيل او ګډو همکاریو خبرې وشوې. ښاغلي کاملوف وویل، په افغانستان کې د اسلامي امارت په واکمنېدو سره د دواړو هېوادونو تر منځ د اړیکو نوی څپرکی پرانیستل شوی او د خوښۍ ځای دی چې د دغو اړیکو له مخې د افغانستان پر اقتصادي بیارغونه او د اقتصادي سیستم پر پياوړي کولو په ګډه خبرې کېږي.

نوموړي زیاته کړه، تاشکند راتلونکې جولای میاشت کې د افغانستان په اړه نړیوال کنفرانس جوړوي، چې د اسلامي امارت لوړ رتبه استازي ته هم پکې د ګډون بلنه ورکوي. 

ملا عبدالغني برادر اخوند ښاغلي کاملوف ته د نوې دندې مبارکي وویله او د تاشکند له لوري د جوړېدونکي نړیوال کنفرانس هرکلی  یې وکړ او دا یې د روابطو د رامنځته کولو لپاره مثبت ګام وباله.

دغه راز ملا عبدالغني برادر اخوند ټینګار وکړ، ازبیکستان چې هرڅومره ژر کولی شي د ترمز-کابل-مزارشریف-پېښور رېل پټلۍ په ګډون د برښنا او هوايي چلند په برخو کې د نیمګړو پروژو کارونه بشپړ کړي.

په پای کې د ریاست‌الوزراء اقتصادي مرستیال د دواړو هېوادونو تر منځ د اړیکو پر پياوړتیا ټینګار وکړ او د لا پراختیا هیله یې وښوده.

تازه خبرونه

چهارشنبه ۱۴۰۵/۸/۶ - ۱۴:۵
Background image

له تمویلوونکو او نړیوالو موسسو سره د صنعت او سوداګرۍ وزارت لومړیتوبونه شریک شول

د ریاست‌الوزراء اقتصادي معاونیت د عامه اړیکو ریاست په مشرۍ نن (چهارشنبه)، د ۱۴۰۵ کال د عقرب میاشتې په شپږمه نېټه، په مرمرینه ماڼۍ کې د تمویلوونکو، نړیوالو موسسو، ملګرو ملتونو او. . .

دوشنبه ۱۴۰۵/۸/۴ - ۱۵:۲۷
Background image

له تمویلوونکو او نړیوالو موسسو سره د کډوالو او بېرته راستنېدونکو چارو وزارت لومړیتوبونه شریک شول

د ریاست‌الوزراء اقتصادي معاونیت د عامه اړیکو ریاست په مشرۍ نن (دوشنبه)، د ۱۴۰۵ کال د عقرب میاشتې په څلورمه نېټه، په مرمرینه ماڼۍ کې د تمویلوونکو، نړیوالو موسسو، ملګرو ملتونو او. . .

یکشنبه ۱۴۰۵/۸/۳ - ۱۶:۱۰
Background image

تدارکاتو کمېسیون د شاوخوا پنځه میلیارده افغانیو په ارزښت ۱۷ پروژې منظورې کړې

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د تدارکاتو کمېسیون نوبتي غونډه نن (یکشنبه)، د ۱۴۰۵ کال د عقرب میاشتې په درېیمه نېټه، په مرمرینه ماڼۍ کې جوړه شوه.
. . .

BACK TO NEWS