کانونو او پترولیم وزارت: له ډبرو سکرو څخه د برښنا د تولید په موخه لږترلږه د «۳۰» کلونو لپاره خام مواد ورکولی شو
نېټه: د 2022 کال د مې 12مه
د ریاستالوزراء د لومړي مرستیال ملا عبدالغني برادر اخوند په مشرۍ یو ځانګړي کمېسیون د ډبرو له سکرو څخه د برښنا د تولید په پار د اوبو او انرژۍ وزارت په مشرۍ؛ د کان د استخراج په موخه د کانونو او پترولیم وزارت، د برښنا د جذب او ویش په موخه د اوبو او انرژۍ وزارت او د پانګونې د جلب او جذب په موخه د صنعت او معدن خونې مسؤلینو ته دنده وسپارله څو د موضوع د ذکر شوو ابعادو په اړه په پوره جزئیاتو سره تخنیکي او مسلکي بحثونه او څېړنې ترسره او د همدې کمېسيون راتلونکي مجلس ته د ارزونې په موخه خپل راپور وړاندې کړي.
د یادولو وړ ده چې د افغانستان اسلامي امارت د کانونو او پترولیم وزارت له ډبرو سکرو څخه د برښنا د تولید لپاره لږترلږه د «۳۰» کلونو لپاره خام مواد ورکولی شي.
