د قشقري نفتي بلاک د استخراج ارزونې په اړه ټاکل شوې کمېټې راپور وړاندې کړ
د ریاستالوزراء اقتصادي مرستیال محترم ملا عبدالغني برادر اخوند ته د قشقري نفتي بلاک د استخراج ارزونې په اړه ټاکل شوې کمېټې نن د روان ۱۴۰۴ لمریز کال د ثور میاشتې په ۲۰مه نېټه خپل راپور وړاندې کړ.
دغه کمېټه د افغانستان اسلامي امارت د رئیسالوزراء محترم ملا محمد حسن اخوند په هدایت د ریاستالوزراء اقتصادي مرستیال محترم ملا عبدالغني برادر اخوند له لوري ټاکل شوې وه. یادې کمېټې ته دنده سپارل شوې وه څو د قشقري نفتي بلاک د قرارداد د تطبیق په برخه کې د قراردادي شرکت نیمګړتیاوې وارزوي. دغې کمېټې د قراردادي شرکت نیمګړتیاوې او په ساحه کې د شته ستونزو په اړه خپل راپور وړاندې کړ. د ریاستالوزراء اقتصادي مرستیال له لوري هدایت ورته شو څو یاد راپور د بعدي تصمیم نیونې په موخه د ریاستالوزراء عالي مقام سره شریک کړي.
