محترم الحاج ملا عبدالغني برادر اخوند په خپل کاري دفتر کې له یوشمېر ملي پانګوالو او سوداګرو سره وکتل

نېټه: 2022، اګسټ 18مه

محترم الحاج ملا عبدالغني برادر اخوند نن په خپل کاري دفتر کې له یوشمېر ملي پانګوالو او سوداګرو سره وکتل. دغو پانګوالو او سوداګرو وویل، دوی چمتو دي چې افغانستان ته د نفتي موادو او مایع ګاز د واردولو او پروسس، د ډبرو سکرو د استخراج او هرات له لارې یې ایران او عربي هېوادونو ته د صادرولو، په ټولو ولایتونو کې د نفت او ګازو دولتي شرکت د تېل پمپونو پر معیاري کولو او بیارغونه او همدا راز د کابل هوايي ډګر د تېلو ذخیرو د عصري کولو په برخه کې پانګونه وکړي. محترم الحاج ملا عبدالغني برادر اخوند د یادو ملي پانګوالو او سوداګرو له دغه اقدام ستاینه وکړه او هغوی ته یې د هر ډول همکارۍ اطمینان ورکړ او ټولو اړوندو ادارو ته یې امر وکړ، چې د دې کارونو په تسهیلولو کې جدي اقدامات وکړي، څو د افغانستان اقتصادي وضعیت ښه شي او هېوادوالو ته مو د کار زمینه برابره شي.