د محترم ملا عبدالغني برادر اخوند په مشرۍ لوړپوړي امارتي پلاوي هرات ولایت کې له زلزله ځپلو سیمو څخه د لیدنې په موخه دغه ولایت ته سفر وکړ
د ریاستالوزراء اقتصادي مرستيال محترم ملا عبدالغني برادر اخوند په مشرۍ لوړپوړی امارتي پلاوی هرات ولایت کې له زلزله ځپلو سیمو څخه د لیدنې په موخه دغه ولایت ته سفر وکړ. محترم ملا صاحب به د دغه سفر په ترڅ کې د زلزلې له امله زیانمنې شوې سیمې له نېږدې وګوري او هلته به د بېړنیو مرستو د رسولو ترڅنګ پر زیانمنو شویو هېوادوالو د راټولو شویو مرستو د عادلانه او سم وېش په موخه اړوندو ارګانونو ته هم لازمې لارښوونې او هدایات وکړي.
