د اقتصادي معاونیت میاشتنۍ دویمه ګڼه چاپ شوه
نېټه: 2022, اګسټ 7مه
په دې ګڼه کې د تېرې یوې میاشتې پر مهال د اقتصادي معاونیت له لوري په بېلابېلو برخو کې د ترسره شوو فعالیتونو په اړه مفصل راپورونه راوړل شوي، چې د موضوعاتو له مخې اساساً درې برخې لري:
لومړۍ برخه کې یې د اقتصادي کمېسیون د اونیزو ناستو او اقتصادي معاونیت د ډيپلوماتیکو غونډو مفصل راپورونه ذکر شوي. دویمه برخه کې یې د هغو مهمو اقتصادي موضوعاتو او سترو اقتصادي پروژو په اړه مقالې لیکل شوې، چې د اقتصادي معاونیت له لوري پرانیستل شوې دي او یا یې په اړه لازم تصمیم نیول شوی دی.
د دې مجلې په درېیمه برخه کې د الحاج ملا عبدالغني برادر اخوند مهم پيغامونه او په ټولنیزو رسنیو کې د اقتصادي معاونیت د فعالیتونو ځينې برخې هم لوستونکو ته د انفوګرافیک په بڼه وړاندې شوې دي.
