الحاج ملا عبدالغني برادر اخوند د ننګرهار کانال له پروژې لیدنه وکړه
نېټه: 2022، اګسټ 19مه
د ریاستالوزراء اقتصادي مرستیال محترم الحاج ملا عبدالغني برادر اخوند ننګرهار ولایت ته سفر وکړ او هلته یې د یاد ولایت مسؤولینو په ملتیا د کانال اړوند له بېلابېلو پروژو څخه لیدنه وکړه. د زيتونو فابريکې، ترکاڼۍ فابریکې، خرما بڼ او يو شمېر نورې پروژې یې له نېږدې وکتلې او مسئولينو ته يې د چارو د لاښه والي په موخه سپارښتنې وکړې.
محترم الحاج ملا عبدالغني برادر اخوند ننګرهار کانال ملي او حياتي پروژه وبلله او د رامنځته شويو نوښتونو له امله یې د مسئولينو له هڅو قدرداني وکړه.
