محترم ملا عبدالغني برادر اخوند د برکې ولسوالۍ له علماوو سره وکتل
د ریاستالوزراء اقتصادي مرستیال محترم ملا عبدالغني برادر اخوند د بغلان ولایت برکې ولسوالۍ ته د خپل سفر په ترڅ کې د روان ۱۴۰۳ لمریز کال د ثور میاشتې په ۲۷مه نېټه د یادې ولسوالۍ له علماوو سره وکتل. د دغه لیدنې پر مهال د برکې ولسوالۍ علماوو په وخت سره د پېښو سیمو ته د ژغورونکو ټیمونو او بیړنیو مرستو د لېږلو له امله له اسلامي امارت څخه مننه وکړه او په ځینو برخو کې یې موجودې ستونزې او غوښتنې د ریاستالوزراء له اقتصادي مرستیال سره شریک کړې، چې محترم ملا صاحب یې د حل ډاډ ورکړ. محترم ملا عبدالغني برادر اخوند وویل، په ټولو زیانمن شوو سیمو کې د مرستو د وېش لړۍ لا هم جریان لري، چې تر دې مهاله زرګونو هېوادوالو ته پر نقدي مرستو سربېره د خوراکي توکو، درملو او البسې مرستې رسېدلې دي. محترم ملا صاحب زیاته کړه، د اسلامي امارت له لوري به د مرستو د وېش لړۍ دوام ولري.
