د ریاستالوزراء لومړي مرستیال په خپل کاري دفتر کې له ترکي هیئت سره وکتل
نېټه: د 2021 کال د ډسمبر 20مه
د ریاستالوزراء لومړي مرستیال ملا عبدالغني برادر اخوند نن په خپل کاري دفتر کې د ترکيې هیواد د سوداګرو او پانګوالو له راغلي هیئت سره وکتل.
ترکي پانګوالو وویل، دوی چمتو دي چې په افغانستان کې د لویو زیربنايي پروژو د بیا پيل، د کانونو په استخراج او نورو اساسي برخو کې پانګونهوکړي.
محترم ملا صاحب د ترکي لوري د دغه هڅې ستاینه وکړه او هغوی ته یې د بشپړ امنیت ډاډ ورکړ. ملا صاحب وویل، اوسمهال په افغانستان کې د پانګونې لپاره شرایط برابر شوي او نړیوال کولی شي دلته په بېلابېلو برخو کې پانګونه وکړي.
