د محترم ملا عبدالغني برادر اخوند له لوري د شاوخوا یو میلیارد افغانیو په ارزښت د کابل ښاروالۍ درې مهمې پروژې پرانیستل شوې

dpmea_admin
شنبه ۱۴۰۳/۲/۸ - ۱۵:۵۰
5U2A2099

د ریاست‌الوزراء اقتصادي مرستیال محترم ملا عبدالغني برادر اخوند له لوري د روان ۱۴۰۳ لمریز کال د ثور میاشتې په اتمه نېټه د خیرخانې کوتل سړک دوهم لاټ، له شهید څلورلارې تر قصبې پورې د غځېدلي سړک لومړۍ برخه او د هوايي ډګر له څلورلارې بیا تر ګمرک پورې د غځیدلي سړک جوړولو پروژې پرانیستل شوې. محترم ملا صاحب د یادو پروژو د پرانیستو مراسمو ته وویل؛ کابل ښاروالي د ښار د ښکلا او منظموالي په موخه ډېرې هڅې کوي چې د پخوا په پرتله د ښار بڼه منظمه شوې، موږ یې ټولې ترسره شوې هڅې ستایو او پر هېوادوالو غږ کوو چې د عام‌المنفعه پروژو په ساتلو کې له حکومت سره همکاري وکړي. د ریاست‌الوزراء اقتصادي مرستیال د کابل ښاروالۍ مسوولینو ته سپارښتنه وکړه، څو یادې پروژې په ټاکلي وخت او ښه کیفیت سره بشپړې کړي. د خیرخانې کوتل سړک دوهم لاټ ۲۵۲۰ متره اوږدوالی او ۶۰ متره پلنوالی لري چې چارې به یې د ۳۶۴ میلیون افغانیو په لګښت سره په ۲۰ میاشتو کې بشپړه او ګټې اخیستنې ته وسپارل شي. له شهید څلورلارې تر قصبې پورې د غځېدلي سړک د لومړۍ برخې پروژه ۱۸۹۰ متره اوږدوالی او ۴۵ متره پلنوالی لري، چې ټولټال پرې ۱۷۵ میلیونه افغانۍ لګښت او په یو کال کې ګټې اخیستنې ته سپارل کېږي. د هوايي ډګر له څلورلارې بیا تر ګمرک پورې د غځیدلي سړک پروژه ۲۷۹۴ متره اوږدوالی او ۶۰ متره پلنوالی لري، چې ۴۰۷ میلیونه افغانۍ لګښت پرې راځي او ټاکل شوې چې په ۲۰ میاشتو کې به یې چارې بشپړې او ګټې اخیستنې ته به وسپارل شي. دغه پروژې ویالې، پلې لارې، ګلدانونه، برېښنا، تمځایونه، د سړک د سر خط کول، د ترافیکي نښو نصبول او د یوه معیاري سړک نورې برخې هم لري، چې مالي لګښت یې د کابل ښاروالۍ له لوري ورکول کېږي.

تازه ترین اخبار

چهارشنبه ۱۴۰۵/۸/۶ - ۱۴:۵
Background image

اولویت‌های وزارت صنعت و تجارت با تمویل‌کنندگان و مؤسسات بین‌المللی به اشتراک گذاشته شد

هفتمین نشست شریک‌ساختن اولویت‌های ادارات سکتوری افغانستان با نمایندگان تمویل‌کنندگان، مؤسسات بین‌المللی، سازمان ملل متحد و شرکای انکشافی، امروز (چهارشنبه)، ششم عقرب ۱۴۰۵، به رهبری ریاست. . .

دوشنبه ۱۴۰۵/۸/۴ - ۱۵:۲۷
Background image

اولویت‌های وزارت امور مهاجرین و عودت‌کنندگان با تمویل‌کنندگان و مؤسسات بین‌المللی به اشتراک گذاشته شد

ششمین نشست شریک‌ ساختن اولویت‌های ادارات سکتوری افغانستان با نمایندگان تمویل‌کنندگان، مؤسسات بین‌المللی، سازمان ملل متحد و شرکای انکشافی، امروز (دوشنبه)، چهارم عقرب سال ۱۴۰۵، به رهبری. . .

یکشنبه ۱۴۰۵/۸/۳ - ۱۶:۱۰
Background image

کمیسیون تدارکات ۱۷ پروژه را به ارزش حدود پنج میلیارد افغانی منظور نمود

جلسه نوبتی کمیسیون تدارکات به ریاست محترم ملا عبدالغنی برادر آخند، معاون اقتصادی ریاست‌الوزراء، امروز (یکشنبه)، سوم عقرب ۱۴۰۵، در قصر مرمرین برگزار شد.
در این جلسه، ۲۹ پروژه برای بحث. . .

BACK TO NEWS