د ریاست الوزراء اقتصادي مرستیال د هېواد د سمسورتیا په موخه د ارګ په انګړ کې نیالګی کیناوه
د ریاست الوزراء اقتصادي مرستیال محترم ملا عبدالغني برادر اخوند نن د روان ۱۴۰۴ لمریز کال د وري میاشتې په درېیمه نېټه د ارګ په انګړ کې د هېواد د سمسورتیا په موخه نیالګی کېناوه. محترم ملا صاحب د نوي کال د پيل او د نیالګیو کېنولو او پالنې ارزښت ته په اشارې سره وویل، ټول هېوادوال دې په خپلو سیمو کې د هېواد د سمسورتیا او خوندي چاپېریال په موخه نیالګي کېنوي او د هغو ساتنې او پالنې ته دې ځانګړې پاملرنه وکړي.
د یادونې وړ ده، چې په ۱۴۰۴ لمریز کال کې به د هېواد په کچه ۱۶ میلیونه بېلابېل میوه لرونکي او بې میوې نیالګي کېنول شي.
