د ریاست الوزراء اقتصادي مرستیال د لوی اختر لمونځ د غور ولایت په مرکز فیروزکوه کې له سېلاب ځپلو سره یوځای اداء کړ

dpmea_admin
دوشنبه ۱۴۰۳/۳/۲۸ - ۱۴:۳۹
Final 5

د ریاست الوزراٰء اقتصادي مرستیال محترم ملا عبدالغني برادر اخوند د روان لمریز کال د غبرګولي میاشتې په ۲۸مه نېټه د غور ولایت په مرکز فېرز کوه کې له سېلاب ځپلو هېوادوالو سره د نېکمرغه لوی اختر لمونځ یوځای اداء کړ. محترم ملا عبدالغني برادر اخوند د لوی اختر د لمانځه پرمهال په خپله وینا کې عالیقدر امیرالمؤمنین شیخ صاحب حفظه الله، مجاهدینو، د خپلواکۍ د لارې د شهیدانو کورنیو، هېوادوالو او ټول اسلامي امت ته د نېکمرغه لوی اختر مبارکي وویله او د اسلامي امت د یووالي او اتحاد هیله یې څرګنده کړه.  د ریاست الوزراء اقتصادی مرستیال په خپلو خبرو کې وویل، چې د اسلامي امارت زعیم عالیقدر امیرالمؤمنین حفظه الله د اسلامي امارت مسوولینو ته هدایت کړی چې د هغو هېوادوالو لاسنیوی دې وکړي چې په دې وروستیو کې د سېلابونو له امله ځاني او مالي زیانونه ورته اوښتي دي. محترم حاجي ملا صاحب زیاته کړه، چې دده په ګډون د اسلامي امارت ټول مسوولین هڅه کوي چې زیانمنو هېوادوالو ته مرستې برابرې او د هغوی ستونزو ته پای ورکړي.  محترم ملا عبدالغني برادر آخوند غور ولایت ته د خپل سفر اصلي موخه د مرسته رسوونکو او ژغورونکو ادارو او بنسټونو ترمنځ د لا ښې همغږۍ رامنځته کول، د ټاکل شویو کمېټو له کارونو څخه ارزونه او له نېږدې د سېلاب ځپلو هېوادوالو د ستونزو اورېدل وبلل او ویې ویل چې د خپل سفر پرمهال یې له ولایتي مسوولینو، علماوو، قومي مخورو او د بېلا بېلو ولسوالیو له سېلاب ځپلو سره ناستې کړې، د دوی ستونزې یې اورېدلې او زیانمنې سیمې یې له نږدې کتلې دي. د ریاست الوزراء اقتصادي مرستیال د هېواد په مختلفو برخو کې د سترو او ملي پروژو پیل ته په اشارې سره وویل چې ددې پروژو څخه یوه هم د ختیځ- لویدیځ دهلېز د سړک جوړونې پروژه ده. ددې پروژې په بشپړېدو سره به هرات، غور، بامیان، دایکنډي او میدان وردګ ولایتونه له کابل سره ونښول شي. ددې پروژې یوه برخه د هرات- غور سړک دی چې څه موده وړاندې یې د عملي چارو د پیل پرانیسته وشوه.  په پای کې محترم حاجي ملا صاحب یوځل بیا د غور ولسونو ته ډاډ ورکړ، چې اسلامي امارت یې تر هغه پورې په څنګ کې ولاړ دی چې ستونزې یې په بشپړ ډول حل شي.

تازه خبرونه

چهارشنبه ۱۴۰۵/۸/۶ - ۱۴:۵
Background image

له تمویلوونکو او نړیوالو موسسو سره د صنعت او سوداګرۍ وزارت لومړیتوبونه شریک شول

د ریاست‌الوزراء اقتصادي معاونیت د عامه اړیکو ریاست په مشرۍ نن (چهارشنبه)، د ۱۴۰۵ کال د عقرب میاشتې په شپږمه نېټه، په مرمرینه ماڼۍ کې د تمویلوونکو، نړیوالو موسسو، ملګرو ملتونو او. . .

دوشنبه ۱۴۰۵/۸/۴ - ۱۵:۲۷
Background image

له تمویلوونکو او نړیوالو موسسو سره د کډوالو او بېرته راستنېدونکو چارو وزارت لومړیتوبونه شریک شول

د ریاست‌الوزراء اقتصادي معاونیت د عامه اړیکو ریاست په مشرۍ نن (دوشنبه)، د ۱۴۰۵ کال د عقرب میاشتې په څلورمه نېټه، په مرمرینه ماڼۍ کې د تمویلوونکو، نړیوالو موسسو، ملګرو ملتونو او. . .

یکشنبه ۱۴۰۵/۸/۳ - ۱۶:۱۰
Background image

تدارکاتو کمېسیون د شاوخوا پنځه میلیارده افغانیو په ارزښت ۱۷ پروژې منظورې کړې

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د تدارکاتو کمېسیون نوبتي غونډه نن (یکشنبه)، د ۱۴۰۵ کال د عقرب میاشتې په درېیمه نېټه، په مرمرینه ماڼۍ کې جوړه شوه.
. . .

BACK TO NEWS