ملا عبدالغني برادر اخوند؛ د «نوي پسرلي نړیوال عامه نندارتون» پرانیسته وکړه
نېټه: د ۲۰۲۲ کال د جون ۵مه
د «نوي پسرلي نړیوال عامه نندارتون» پرانیستلو او د «صنعت اونۍ» مراسمو کې د ریاستالوزراء اقتصادي مرستیال ملا عبدالغني برادر اخوند، د کابینې ځینو غړو او لوړ پوړو دولتي چارواکو ګډون کړی و. دغه نندارتون ته د ریاستالوزراء اقتصادي مرستیال وویل، له هغه ورځې چې اسلامي امارت واک ته رسېدلی، ټوله هڅه یې دا ده چې صنعت ته پراختیا ورکړي او په دغه برخه کې شته ستونزې له منځه یوسي.
اسلامي امارت د صنعتکارانو او سوداګرو امنیت تأمین کړی او له ټولو غوښتنه کوي، چې خپل کار په پوره صداقت او اخلاص سره ترسره او هیوادوالو ته په ښه کیفیت محصولات وړاندې کړي.
