د ریاستالوزراء لومړی مرستیال ملا عبدالغني برادر اخوند تورخم ته لاړ
نېټه: د 2022 کال د فبروري 15مه
د ریاستالوزراء لومړی مرستیال ملا عبدالغني برادر اخوند تورخم ته لاړ او هلته یې له مسافرو او د هغې سیمې له چارواکو سره وکتل. ملا صاحب له مسؤلو چارواکو سره د ترانزیټ او ځینو نورو سوداګریزو مسائلو په اړه خبرې وکړې.
د دې ترڅنګ ملا صاحب په تورخم کې د مسافرو لپاره هغه ودانۍ پرانیستلې، چې د ننګرهار د والي مزمل صاحب تر نظارت لاندې جوړې شوې وې. په ځانګړي ډول د ښځينه او نارينه مسافرو لپاره د اوداسه، لمانځه او دمې جوړولو ځایونه شامل دي.
