د ریاست الوزراء لومړي مرستیال په افغانستان کې د آغاخان بنسټ له ځانګړي استازي سره وکتل
نېټه: د 2022 کال د فبروري 16مه
د ریاست الوزراء لومړي مرستیال ملا عبدالغني برادر اخوند په افغانستان کې د آغاخان بنسټ له ځانګړي استازي یا سفیر علي اکبر پسناني سره وکتل. ملا صاحب په افغانستان کې د دغه بنسټ کارونه وستایل او زیاته یې کړه، چې دوی باید پر ښارونو سربېره په کلیوالي سیمو کې هم خپل فعالیت او خدمتونه پراخ کړي.
ښاغلي پسناني وویل، دوی له شلو کلونو راهیسې له افغان ولس سره په تعلیمي، روغتیایي او ځینو نورو برخو کې فعالیت کوي او له دې وروسته هم هڅه کوي چې خپلو کارونو او خدمتونو ته دوام ورکړي.
